lesa-arbeiten-bei-uns-offene-stellen-lernender-milchtechnologe

Giarsun(a) tecnolog(a) illa producziun da lat AFQ (EFZ) 2021

Nus da la Lattaria Engiadinaisa cumbinains il mister tradiziunel cun innovaziun e'l meglder lat da l'Engiadina. Insembel cun te vulains nus scriver inavaunt l'istorgia da la lattaria situeda il pü ot.

Quecò poust tü realiser:

  • Da lat as po fer bgers differents prodots. Illa tecnologia da lat imprendast a cugnuoscher ils pass d'elavuraziun da quists prodots: prodür ed implir, lascher madürer, deguster, paquetter.
  • Ed a la fin est tü eir respunsabel per la controlla da qualited. Grazcha a te ed als proceders da producziun ils pü moderns nascha la granda varieted da noss prodots.
  • Bainbod nun est tü pü be consument, dimpersè tü cugnuoschast ils secrets dals prodots e tü est bun da'ls prodür.

Perque at gratagia que:

  • Per quist mister drouvast la scolaziun cumpletta da la scoula populera.
  • Indispensablas sun las seguaintas premissas: plaschair vi dals prodots da lat, incletta tecnica per s'occuper da noss indrizs da producziun computerisos, ün bun ösen e palat, ün bun sen per l'igiena, l'abilted da lavurer in üna gruppa.
  • Siand cha nus prodüains praticamaing di e not, spettainsa da te la prontezza d'accepter temps da lavur irregulers.  

Da quecò at poust allegrer:

  • ün'introducziun minuzchusa in tieu minchadi professiunel cun ün program da furmaziun persunel,
  • ün ambiaint viv in ün team colleghiel,
  • accumpagnamaint cumpetent tres instructuors qualifichos.

Chi chi respuonda a tias dumandas:

Corinne Rohrer (corinne.rohrer@emmi.com)

Lesa Lattaria Engiadinaisa SA

Cò poust inoltrer tia annunzcha.

&auncha dapü da nus
lesa-ueber-uns-gebaeude-teaser
Davart nus

Daspö il 1982 elavurains nus a Bever, illa lattaria situeda il pü ot da l'Europa, minch'an 5 fin 6 milliuns kils lat alpin da l'Engiadina e fains landrour ils prodots da lat ils pü delizchus.

LESA sün Facebook

Tü nu manchauntast mê pü üna novited da nus ed imprendast auncha dapü davart noss prodots, noss producents da lat e la vita in Engiadina!

lesa-unsere-milchbauern-val-bever-bauernhof-teaser
Noss producents da lat

Davous noss prodots staun purs da muntagna ingaschos chi tegnan lur muaglia seguond ils bsögns da las bes-chas e s'occupan d'ellas cun affecziun. Il lat retrains nus da tuot l'Engiadina, da Martina fin sü Malögia.

lesa-jogurt-teaser-s
1'706 m s. m. – uschè gusta Engiadina pura! Noss jogurts

La natüralited es nossa fermezza. In Engiadina, sün 1'706 m otezza, es l'ajer pür, la natüra bod amabla, bod sulvedgia. Cò vivan e pasculeschan nossas furnituras da materia prüma cun quatter chammas. Quista natüralited as chatta eir in nos sortimaint da jogurts.