lesa-ueber-uns-produktion-stage-2

Tecnolog(a) illa producziun da lat

Nus da la Lattaria Engiadinaisa cumbinains il mister tradiziunel cun innovaziun e'l meglder lat da l'Engiadina.

Vulessat tü lavurer ill'incumparabla e magnifica Engiadina? Perfet. Nus vulains scriver inavaunt l'istorgia da la lattaria situeda il pü ot – insembel cun te scu tecnolog(a) illa producziun da lat ...

Perque tscherchains nus precis a TE:

  • Scu part d'ün team voust tü accumpagner l'inter process da la producziun da chaschöl e jogurt.
  • Da savair druver conscienziusamaing ils indrizs, observand las prescripziuns d'igiena e da sgürezza, nun es per te üngün problem.
  • Cun tieu möd da lavurer conscienzius prouvast tü da minimer interrupziuns illa producziun u perditas da prodots.
  • Tü fest tias egnas ponderaziuns, vezzast pussibilteds per correcturas ed ans sustegnast ad amegldrer cuntinuantamaing noss process.

Quistas qualificaziuns possedast tü già:

  • Tü est tecnolog(a) dipl. illa producziun da lat u hest absolt üna furmaziun i'l sectur da vivandas (cuschinunz, furner, bacher).
  • Tü sest t'exprimer bain in tudas-ch (taliaun es d'avantag).
  • La lavur in ün pitschen team at plescha, e cun tieu möd comunicativ e tia buna glüna t'integreschast svelt tar nus.

Siand cha que es ün der ed ün piglier, at spordschains nus ...

  • la pussibilted da surpiglier üna lezcha interessanta e varieda illa cuntredgia müravgliusa da l'Engiadina,
  • l'ambiaint da pudair musser tias qualiteds umaunas e professiunelas in ün pitschen team,
  • l'occasiun da profiter da cundiziuns da lavur interessantas e da bunas pussibilteds da perfecziunamaint
  • ... e bger PLASCHAIR E SEN in tia lavur !!!

Chi chi respuonda a tias dumandas:

Michael Mani (michael.mani@emmi.com) ubain Helena Zurkirchen (helena.zurkirchen@emmi.com)

Lesa Lattaria Engiadinaisa SA

Las annunzchas online, inoltredas directamaing tres ils candidats, vegnan trattedas aunz las otras.

&auncha dapü da nus
lesa-ueber-uns-gebaeude-teaser
Davart nus

Daspö il 1982 elavurains nus a Bever, illa lattaria situeda il pü ot da l'Europa, minch'an 5 fin 6 milliuns kils lat alpin da l'Engiadina e fains landrour ils prodots da lat ils pü delizchus.

LESA sün Facebook

Tü nu manchauntast mê pü üna novited da nus ed imprendast auncha dapü davart noss prodots, noss producents da lat e la vita in Engiadina!

lesa-unsere-milchbauern-val-bever-bauernhof-teaser
Noss producents da lat

Davous noss prodots staun purs da muntagna ingaschos chi tegnan lur muaglia seguond ils bsögns da las bes-chas e s'occupan d'ellas cun affecziun. Il lat retrains nus da tuot l'Engiadina, da Martina fin sü Malögia.

lesa-jogurt-teaser-s
1'706 m s. m. – uschè gusta Engiadina pura! Noss jogurts

La natüralited es nossa fermezza. In Engiadina, sün 1'706 m otezza, es l'ajer pür, la natüra bod amabla, bod sulvedgia. Cò vivan e pasculeschan nossas furnituras da materia prüma cun quatter chammas. Quista natüralited as chatta eir in nos sortimaint da jogurts.