lesa-unsere-milchbauern-val-bever-bauernhof-teaser

Noss producents da lat

Davous noss prodots staun purs da muntagna ingaschos chi tegnan lur muaglia seguond ils bsögns da las bes-chas e s'occupan d'ellas cun affecziun. Il lat retrains nus da tuot l'Engiadina, da Martina fin sü Malögia. Per nus es que important cha purs locals vegnan sustgnieus e cha la creaziun da valur resta illa val. Cò poust fer la cugnuschentscha d'ün pêr da noss purs da lat. Bun divertimaint!

lesa-1706-hoch-hinaus-crasta-farm-teaser
Crasta Farm

Sün 1'941 m s. m. cultivescha la famiglia Zellweger la Crasta-Farm. Sün quist bain agricul modern – situo illa idillica Val Fex – vegnan observedas las directivas da Bio-Suisse, perque cha la persistenza giouva üna rolla importanta tar la famiglia Zellweger.

lesa-unsere-milchbauern-veronica-raimund-teaser
Raimond Nischler & Veronica Pföstler Nischler

Raimond Nischler e Veronica Pföstler Nischler vegnan oriundamaing dal Tirol dal Süd e passaintan la sted gugent in Engiadina süll'alp, inua ch'els giodan la natüra ed il temp cumünaivel culla famiglia e las bes-chas. Clicca sül link "Gnir a savair dapü" ed imprenda a cugnuoscher ad els ün pô pü bain.

lesa-unsere-milchbauern-adrian-teaser
Adrian Plebani

Daspö 15 ans fo Adrian Plebani cun paschiun da pester aint a Spinas. Lo s'occupa el cun affecziun da sieus vachas da la razza Holstein. Que ch'el predscha specielmaing sun la collavuraziun cun sias bes-chas, l'independenza e la flexibilted in sieu minchadi. A nun es perque da's der da buonder cha Adrian Plebani nu pensa hoz auncha a sia pensiun. Clicca sül link "Gnir a savair dapü" ed imprenda a cugnuoscher ad Adrian Plebani aunch'ün pô meglder.

lesa-unsere-milchbauern-armond-teaser
Armon Mayer

Armon Mayer maina sia puraria süllas costas sulaglivas da l'Engiadina Bassa in terza generaziun. D'esser pur eira già adüna sieu sömmi. Tuot la famiglia s'occupa cun bgera paschiun dal bain e da las bes-chas. Armon Mayer es eir auncha president da la Chascharia cooperativa d'Engiadina. Clicca sül link "Gnir a savair dapü" ed imprenda a cugnuoscher ad Armon Mayer aunch'ün pô pü bain.

& auncha dapü da nus
lesa-jogurt-teaser-s
1'706 m s. m. – uschè gusta Engiadina pura! Noss jogurts

La natüralited es nossa fermezza. In Engiadina, sün 1'706 m otezza, es l'ajer pür, la natüra bod amabla, bod sulvedgia. Cò vivan e pasculeschan nossas furnituras da materia prüma cun quatter chammas. Quista natüralited as chatta eir in nos sortimaint da jogurts.

LESA sün Instagram

Tü nu manchauntast mê pü üna novited da nus ed imprendast auncha dapü davart noss prodots, noss producents da lat e la vita in Engiadina!

lesa-ueber-uns-gebaeude-teaser
Davart nus

Daspö il 1982 elavurains nus a Bever, illa lattaria situeda il pü ot da l'Europa, minch'an 5 fin 6 milliuns kils lat alpin da l'Engiadina e fains landrour ils prodots da lat ils pü delizchus.

lesa-fondue-teaser-s
1'706 – uschè gusta Engiadina pura! Fondü & raclet

Nos fondü gustus già bel e fat e nos raclet da muntagna delizchus sun l'occasiun perfetta per nuder cun famiglia ed amihs in algurdaunzas cumünaivlas da l'Engiadina.